2010/05/05
مش عارفة اذا كان لسه حد بيتابع المدونة ..، بالرغم من اني مش ثابتة فيها على حاجة
و يمكن تعارف قصير .. يساعد على التواصل أفضل ..
نيجي للسؤال المعروف في أي تعارف
الأسم .. و السن و الخ .
طيب
هو الأسم مهم ؟ ، يعني لما اقول اسمي مهم؟؟ ، و لا مهمة الشخصية نفسها ؟
دايماً عندي حساسية تجاه الأسم
بس أنا منة ! شوفتوا ازاي !!
سيبكم من التعارف العادي و نيجي نتكلم شوية ..
أنا دايماً بحاول اعمل لنفسي حاجة .. و كتير بتأثر بالناس اللي حواليا .. بس في الآخر بصيت لنفسي ..
لاقيت اني ولا حاجة !
ماعنديش حاجة خاصة بيا و لا ثقة .. دايماً بدور على حاجات مش عندي و مش بتاعتي ..
عشان كده قلت لأ .. ، أنا هعمل حاجة وهحاول أقف على رجلي و أقول أنا أهو ..
عشان كده غيرت القالب اخترت حاجة بسيطة بدل البهرجة .
حاجة دافية و هادية
و بجد دي محاولة مني ان يبقى مضمون المدونة جزء مني
مش لمجرد اني احوز على اعجاب الناس أو أقول بصوا بقى أنا من المدونين ..
لأ ، لمجرد اني عايزة أقول ان دي أنا ..، دي نفسي اللي بتكتب
و لأن معارفي قليلة ..، فقليل اللي بيدخل المدونة ..
مع ذلك أنا مش زعلانة من كده .، الناس دي استحملتني و فضلت متابعة ، كمان أنا لو عارفة واحدة زي هطق منها ^^
فشكراً على كل حاجة و أنا أهو بحاول ..
أحب أشكر مدونتين بحبهم أوي ..
Cognition Sense
ريم البرارى المستحيلة
شكراً
Subscribe to:
تعليقات الرسالة (Atom)
3 التعليقات:
لابالعكس أنا دايما بتابع المدونة و بتعجبنى معظم المواضيع بس الحمد لله انك قررتى تستقرى على قالب معين
السلام عليكم ورحمة الله
حسنا لي وقفة عتاب هنا لابد منها ايتها الشابه مقولتك انني لم املك شيئا خاصايشعرني باهميتي او هكذا فهمت اعلمي ان وجود هذه المدونه هو دليل على اهمية ماتقومين به امر اؤمن به مهما كان دوري صغير في هذه الحياة لكنه مهم هل سمعتي بقصة الحجر الصغير الذي ترك السد وتخلى عن موقعه فيه ؟رغم وجود احجار اكبر منه وكان يعتقد انها تقوم بالمهمة بدون وجوده كاد السد ان ينهار حتى موجود تلك الاحجار فقد تسرب الماء من ذاك الشق الضغير الذي تركه بدون ان يُسد ولما ادرك اهمية وجوده رغم صغر حجمه ايقن سر وجوده بهذا السد رغم صغر حجمه ترى هل تقاس الانجازات بكبر حجمها ام باستمراها واهميتها انا اعتقد ان هنا مربط الفرس ...
ثم الم تكوني ممن قال ان الكتابة هي الهواء الذي اتنفسه؟!!!! اذا استمري لكي يتجدد ذاك الهواء داخل رئتيك وينبض فيه قلبك...
فلا شك ستجدين دربك مهما طال السير بك...
اخيرا دمتي برعاية الله,,,مزعجة مرت من هنا^_^
شكراً يا كريم على المرور.. ، و يارت تتابع دايماً
**
ضيوة !
مش كده ؟
صخ كده ؟؟
شكراً على التشجيع بس الإعتراف بالحق فضيلة اختي ..
إرسال تعليق