♥ دروب الأزهار ♥: مافيش

2010/05/15

مرسلة بواسطة Eliade في 1:51:00 م

لما جمدت عضويتي في روايات ..، جمدتها من غير شوشرة و لا قلت لحد اني هعمل كده ..

اي نعم انا حاسة بشوية ندم و حزن ..، بس ده كان قرار لازم آخده ..

عشان أبدأ من جديد كان لازم أضحي ...

المشكلة ان الناس اللي عرفت و حاولت تكلمني مش فاهمة اسبابي و بالتالي حاولوا يقنعوني بالرجوع بطريقة غلط ..

و يمكن من انبساطي بالإهتمام ده ، ماعرفتش اناقشهم كويس !

الصراحة ..، اني مشيت مش عشان متضايقة من حد و لا زعلانة ..، كل الناس عارفة اني بحب روايات ..

بس انا مشيت عشان .. مش عارفة عشان ايه بالظبط ..، بس يمكن عشان محسش اني مقيدة لما احب ابعد عن النت !

او يمكن عشان عايزة اشوف حياتي من غيرها ..

او يمكن عشان ماليش مكان فيها ..

او عشان خوف دفين من حاجة معينة ! ..

المهم اني مش مسامحة الأسباب اللي خلتني اعمل كده و في نفس الوقت بشكرها !!!

يمكن أكتر حاجة هعاني منها ، هو الشعور بالغربة في غياب روايات و افتقاد التشجيع ..

بس انا هرجع

هرجع لمَا العوامل اللي خلتني امشي تختفي

يمكن بعد سنة

اتنين

او عشرة

او حتى خمسين ..، لحد ما أموت يمكن ..

اعتبروه نوع من الإخلاص او من العبط ..

و مع البداية الجديدة ..

قرارتي هتبقى صارمة ..

زي ما عملت قبل كده ..

كنت صغيرة و دلوقتي كبرت و المفروض انسى ! ..

مش لاقية كلام اكتبه او .. مش عارفة اترجم اللي جوايا !

Davinci يقول...: من روايات!
كان اسمك إيه هناك؟ :D; 18 مايو 2010 في 9:22 ص
هِيَ يقول...: ياااه كان ليا أسامي كتيرة جداً

نسمة الربيع
ساحرة الظلام
قطرة الندى
Dewdrop; 19 مايو 2010 في 2:31 ص
Davinci يقول...: كل ده!
عموما أنا مش شايف فيها مشكلة.. أنا سايب روايات من زمان عشان مش فاضي.. رأيي ترجعي لو مفتقداه. روايات مكان جميل وممتع.. لو فقد معناه عندك ما تدخليش ببساطة من غير تجميد ولا حاجة.. هو مش سجاير مثلا!
بس لازم يبقى له بديل.; 20 مايو 2010 في 4:44 م